Fallen Angel http://www.gegepage.com David's Blog Wed, 24 Feb 2010 23:39:36 +0000 http://wordpress.org/?v=2.9.1 en hourly 1 ქართული ინტერნეტი http://www.gegepage.com/2010/02/24/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-%e1%83%98%e1%83%9c%e1%83%a2%e1%83%94%e1%83%a0%e1%83%9c%e1%83%94%e1%83%a2%e1%83%98/ http://www.gegepage.com/2010/02/24/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-%e1%83%98%e1%83%9c%e1%83%a2%e1%83%94%e1%83%a0%e1%83%9c%e1%83%94%e1%83%a2%e1%83%98/#comments Wed, 24 Feb 2010 23:31:17 +0000 Dav1D http://www.gegepage.com/?p=315

დიდი ხანია მინდა რაიმე დავწერო ზოგადად ქართულ ვებ სივრცეზე და მის პრობლემებზე. რამოდენიმე წელია რაც ქართულ ინტერნეტში “ვმოღვაწეობ” და მიუხედავად იმისა რომ ბევრი უაზრო და უსარგებლო საიტია, ვხედავ რომ ქართული ვებ სამყარო ნელ ნელა ვითარდება, რაც ძალიან სასიამოვნოა.

საქართველოში ინტერნეტის მომხმარებლის რაოდენობა დღითი დღე იმატებს. ქართულ ვებ სივრცეში ძირითადად რამდენიმე სახის საიტია. ყველაზე მეტი მეკობრული, ეგრედ წოდებული “ვარეზ” საიტებია. არის საკმაოდ ბევრი სპორტული საინფორმაციო საიტი. გარკვეული პერიოდი ეროტიკული და პორნოგრაფიული საიტების ბუმი იყო.

მიუხედავად იმისა რომ ქართულ საიტებს მომხმარებელი საკმაოდ ყავს, ამ საიტების 90 % ის შემოსავალი 10 ლარსაც არ სცილდება. ზოგი კი პირიქით ზარალში მიდის დომენის და ჰოსტინგის ყოველთვიური გადასახადის გამო.

ვარეზები – შეიძლება ითქვას რომ ქართული ინტერნეტის პიონერები ვარეზ საიტები იყვნენ. ძალიან დიდი ხნის მანძილზე ყველაზე რეიტინგული ქართული საიტი Avoe.Ge იყო, რომლის კონკურენტადაც Download.Ge (შემდეგში Gol.Ge) ითვლებოდა. სასაცილოა ის ფაქტი რომ ორივე საიტი საქართველოში წამყვანი ინტერნეტ პროვაიდერის, კაუკასუს ონლაინის საკუთრებაა. ამ ორი საიტის სიდიდის მიუხედავად ნელ ნელა ჩნდებოდა პატარა საიტები უფასო ქვედომენებზე (Piczo, Ucoz და ა.შ) ბევრი ავოედან და გოლიდან აკოპირებდა გადმოსაწერ ლინკებს რათა საიტზე მარტო მოციმციმე ბანერები არ ყოფილიყო და უფრო საინტერესო გაეხადათ. უფრო სერიოზულად დაინტერესებულები კი ფაილებს აფლოად საიტებზე ტვირთავდა თავის მომხმარებლისთვის და შემდეგში საიტები ფასიან დომენზე გადაიტანეს. დროთა განმალობაში ძალიან ბევრი საიტი მომრავლდა და მათი რიცხვი 2000 აჭარბებდა. თუმცა მალე გამოიკვეთნენ ვარეზები რომლებსაც ფაილების დიდი ბაზა  და  ვიზუალურად ლამაზი დიზაინი ქონდათ. ცოტა ხანში კი ქართველებს დაავიწყდათ (უფრო სწორედ არც იცოდნენ და ბევრმა ეხლაც არ იცის) რომ პროგრამები, ფილმები, სიმღერები და ა.შ უფასო გავრცელებისთვის არ იყო შექმნილი და უფასო ფაილებს შეჩვეულებს არაფრის ყიდვა არ სურთ ინტერნეტში.

როცა უფასოდ გაქვს ყველაფერი ინტერნეტში, ვინ გადაიხდის ფულს ფაილებში? არავინ არ გადაიხდის და არც იხდიან. თუმცა ამან გამოიწვია ის რომ ქართველი მომხმარებელი ინტერნეტში ფაქტიურად უვარგისია და ინტერნეტ სპონსორები ქართული IP ების კლიკებზე მიზერულ თანხას იხდიან. ამაზე ცოტა მოგვიანებით ვისაუბრებ.

ქართული ბლოგ სამყარო – სულ უფრო და უფრო პოპულარული ხდება ბლოგერობა და ყოველ დღე ახალი ბლოგი იხსნება. ალბათ იმიტომ რომ ბლოგით ადვილია დააფიქსირო შენი აზრი და წერო იმაზე რაზეც გსურს. თუმცა მკითხველის დეფიციტი აშკარაა რამდენიმე მარტივი მიზეზის გამო – უბრალოდ ხალხს  კითხვა ეზარება და დაინტერესებულმა მომხმარებელმა უბრალოდ არ იცის ამა თუ იმ ბლოგის არსებობის შესახებ. ბლოგების პოპულარიზაციას ხელს უწყობს საიტი blogroll.ge, მაგრამ ეს საკმარისი არ არის. ბლოგინგი ახალი ხილია ქართველებისთვის (მიუხედავად იმისა რომ რამდენიმე ქართული ბლოგი უკვე წლებია რაც არსებობს) და იმედია მალე უფრო მეტი მკითხველი შემოემატება ჩვენს ბლოგებს : )

დიდი პრობლემა ჯი ნეტში – იდეების კოპირება

ძალიან დიდი და გამაღიზიანებელი პრობლემაა იდეების დაკოპირება. როგორც კი ნახავენ რომ საიტის იდეამ გაამართლა, მალევე ჩნდება მსგავსი საიტები. ასე იყო ვარეზებზე, სპორტულ საიტებზე, ვიდეო პორტალზე, აფლოად საიტებზე და ა.შ. რა თქმა უნდა კონკურენცია უფრო ანვითარებს საიტებს, მაგრამ არაა საჭირო 200 იგივე საიტის გაკეთება.

2 წლის წინ მქონდა საფეხბურთო სიახლეების საიტი. მსგავსი რამდენიმე სწრაფადვე გაკეთდა. როდესაც კონკურენტი გამოგვიჩნდა, გამიხარდა რადგანაც საიტს უფრო დავუწყე მოვლა, მაგრამ შემდეგ უკვე ყველას მოუნდა მსგავსი საიტის ქონა. შემდეგ ვიდეო კლიპების საიტი გავაკეთე რომლის ანალოგი ჯი ნეტში მესამე დღესვე გამოჩნდა. საბოლოოდ კი შევეშვი ქართულ ინტერნეტს და მხოლოდ ბლოგი დავიტოვე. ბლოგის იდეა კი აკოპირეთ რამდენიც გინდათ. პირიქით გამიხარდება : )

თუ ინტერნეტის მომხმარებელი ხართ, შეამჩნევდით თუ რამდენი აფლოად საიტები იყო და არის (სადაც ქართული ვარეზები ტვირთავენ სიახლეებს. Fast.Ge, Dade.Ge, Aqache.com, Link.Ge, Bin.Ge, Up.Jeje.Ge, Allshares.Ge, Gadzove.com (ამას სახელი აქვს ნუ .. ) Upload.Ge და კიდევ არის ალბათ სხვა აფლოად საიტები. რა საჭიროა ამდენი საიტი პატარა ქვეყნის მცირე მომხმარებლისთვის? შემდეგ თვეობით უდევთ ბანერები გასაქირავებელ ადგილას, მაგრამ კლიენტი არსად ჩანს.

მაივიდეოს და თვალის ისტორიაც იგივეა. Translate.Ge საც მალე გამოუჩდნენ კონკურენტები და ა.შ : ) ბოლო თვეში კი რამდენიმე საიტი შეიქმნა სადაც სხვადასხვა საიტის ბანერებია.

სასაცილო ისაა რომ თითქმის ყველა ერთნაირია და არანაირ განსხვავებულს არ სთავაზობს მომხმარებელს. განსხვავება რომ იყოს რამეში კარგი იქნებოდა, მაგრამ განსხვავებულს მოფიქრება ჭირდება და ფიქრისთვის სად აქვთ დრო. : )

ქართული საიტების შემოსავალი

დღეს ინტერნეტში საიტების მთავარი სპონსორი გუგლის ედსენსია, რომელიც ყველაზე მეტს იხდის და საიმედოა (ფასი მრავალ ფაქტორთანაა დაკავშირებული) არსებობს კიდევ რამდენიმე სპონსორი რომელიც ლინკებისა და ბანერების განთავსებისთვის იხდის ფულს.

ამ ყველა ნორმალურ უცხოურ სპონსორებს ქართულ ენოვანი საიტები დაბლოკილი ყავთ. მიზეზი მარტივია – ვერაფერში იყენებენ. ქართველი მომხმარებელი ინტერნეტით ძალიან იშვიათად ყიდულობს რამეს და მხოლოდ ვიზიტორი სხვა საიტებს არ ჭირდებათ.

საიტების მეპატრონეებს ორი გზა რჩებათ. 1 გააქირაონ საბანერო ადგილები საიტზე რაც არც ისე ადვილია რადგანაც დამკვეთი ცოტაა. ქართველებს ჯერ კიდევ გონიათ რომ ინტერნეტი მარტო კინოების გადმოსაწერად და ადნაკლასნიკზე შესასვლელადაა გამოგონილი .

2. დაჯერდნენ რუსულ სპონსორებს რომლებიც მიზერულ თანხას იხდიან და რომელთა პოპ აფებიც ძალიან გამაღიზიანებელია მომხმარებლისთვის.

კომპანიები და კერძო პირები მხოლოდ მაღალ ტრაფიკიან და გამოსადეგ საიტებს უკვეთავენ რეკლამას. ხოლო დანარჩენი საიტების ადმინისტრატორები კი პოპ აფებით შეგროვებული ფულით ჰოსტინგის თვიურ გადასახადს ძლივს იხდიან.

დასკვნა : ან გააკეთე საიტი სერიოზული მიზნებისთვის, ან არ გააკეთო.

უცხოურ ენოვან საიტებს გაცილებით დიდი პოტენციალი აქვს ფულის გაკეთების მხრივ. ინგლისურ ენოვან საიტს რომელსაც 400 უნიკალური ვიზიტორი ყავს დღეში, თვიურად უფრო მეტი თანხის გაკეთება შეუძლია ვიდრე 4000-5000 უნიკალურ ვიზიტორიან ქართულ მეკობრულ საიტს.

ასეთი უპერსპექტივო საიტის ავტორები ძირითადად თინეიჯერები იყვნენ და არიან. ის თაობა რომლებმაც პირველად დაიწყეს ვარეზების გაკეთება ნელ ნელა იზრდება  : ) ამიტომ დიდი იმედი მაქვს რომ მათი შემდეგი პროექტები უფრო სერიოზული იქნება და ქართული ინტერნეტიც უფრო განვითარდება. სტატია  ცოტა დიდი კი  გამომივიდა,  თუმცა ეს უბრალოდ ნაწილია იმ პრობლემებისა რომლებიც ჯი ნეტში არსებობს.

]]> http://www.gegepage.com/2010/02/24/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-%e1%83%98%e1%83%9c%e1%83%a2%e1%83%94%e1%83%a0%e1%83%9c%e1%83%94%e1%83%a2%e1%83%98/feed/ 7 დეიზმი http://www.gegepage.com/2010/02/20/%e1%83%93%e1%83%94%e1%83%98%e1%83%96%e1%83%9b%e1%83%98/ http://www.gegepage.com/2010/02/20/%e1%83%93%e1%83%94%e1%83%98%e1%83%96%e1%83%9b%e1%83%98/#comments Sat, 20 Feb 2010 08:24:53 +0000 Dav1D http://www.gegepage.com/?p=308 დეიზმი ეს არის რელიგიური და ფილოსოფიური მოძღვრება რომელიც აღიარებს სამყაროს შექმნას უზენაესის, ანუ ღმერთის მიერ, მაგრამ უარყოფს ღვთის ჩარევას მატერიალურ სამყაროში. დეიზმი უარყოფს ყველანაირ რელიგიას და დეისტისთვის ყოველი რელიგია ადამიანის მიერ არის გამოგონილი.

დეისტები უარყოფენ უმეტეს რელიგიურ ზებუნებრივ მოვლენებს (ნიშნებს, სასწაულებს და ა.შ) და მათ სჯერათ რომ მატერიალურ სამყაროში მოქმედებს ბუნების კანონები რომელიც შექმნა ღმერთმა. თუმცა იგი არ ცვლის ამ კანონებს რადგანაც არ ერევა ადამიანის საქმიანობაში.
დეისტისთვის ღვთის მთავარი საჩუქარი დედამიწაზე არის არა რელიგია,არამედ გონება და აზროვნების უნარი.

დეიზმი მეჩვიდმეტე/მეთვრამეტე საუკუნეში გამოჩნდა “განათლების ხანის” დროს. განსაკუთრებით დიდ ბრიტანეთში, საფრანგეტში, ამერიკის შეერთებულ შტატებში და ირლანდიაში. დეისტები ძირითადად ქრისტიანები იყვნენ რომლებიც აცხადებდნენ რომ თუკი ადამიანს ჯერა ერთი ღმერთის, იგი ვერ დაიჯერებს ქრისტეს, სასწაულების და ხილვების არსებობას. ისინი ვერ ხედავდნენ რელიგიაში სიწმინდეს და თვლიდნენ რომ ეკლესია კორუმპირებული იყო საეკლესიო პირების მიერ რომლებიც მანიპულირებდნენ მრევლით და მათი ინტერესებისთვის იყენებდნენ მათ. ეს ახალი რელიგიური მოძღვრება სხვა რელიგიურ ჯგუფებშიც პოპულარული გახდა.

დეისტებს რამდენიმე ვერსია აქვთ სულის შესახებ. არის კატეგორია დეისტებისა რომელსაც ჯერა რომ სიკვდილის შემდეგ სული უკვდავი ხდება და იგი პასუხს აგებს იმ ცოდვებისთვის რაც ცხოვრებაში ჩაიდინა. მეორე ნაწილს (მათ რიცხვში შედიოდა ბენჟამინ ფრანკლინი) ჯერა სულის რეინკარნაციის. ხოლო მესამე ნაწილს კი სულის უკვდავებაში ეჭვი ეპარება.

რა თქმა უნდა რელიგიურ და ფილოსოფიურ მოძღვრებას ერთ პოსტში საფუძვლიანად ვერ განვიხილავ და სიმართლე გითხრათ არც საკმარისი ცოდნა მაქვს ამისთვის. დეიზმი საინტერესო მოძღვრებაა და სხვა დამატებით ინფორმაციას შემდეგ პოსტებში შემოგთავაზებთ.
საკმაოდ საინტერესოა ის რომ ამერიკაში სადაც “ჯადოქრობის” გამო პურიტანები ცეცხლზე წვავდნენ და აწამებდნენ ადამიანებს, ხალხმა დეიზმის მოძღვრება მშვიდად მიიღო.

]]> http://www.gegepage.com/2010/02/20/%e1%83%93%e1%83%94%e1%83%98%e1%83%96%e1%83%9b%e1%83%98/feed/ 4 დაწყევლილი ნახატები (?!) http://www.gegepage.com/2010/02/17/%e1%83%93%e1%83%90%e1%83%ac%e1%83%a7%e1%83%94%e1%83%95%e1%83%9a%e1%83%98%e1%83%9a%e1%83%98-%e1%83%9c%e1%83%90%e1%83%ae%e1%83%90%e1%83%a2%e1%83%94%e1%83%91%e1%83%98/ http://www.gegepage.com/2010/02/17/%e1%83%93%e1%83%90%e1%83%ac%e1%83%a7%e1%83%94%e1%83%95%e1%83%9a%e1%83%98%e1%83%9a%e1%83%98-%e1%83%9c%e1%83%90%e1%83%ae%e1%83%90%e1%83%a2%e1%83%94%e1%83%91%e1%83%98/#comments Thu, 18 Feb 2010 06:55:36 +0000 Dav1D http://www.gegepage.com/?p=302 დღევანდელ სამყაროში ბევრი ამოუცნობი და აუხსნელი ფაქტი ხდება. ადამიანები ხედავენ სულებს, მფრინავ თეფშებს, ხდებიან შეპყრობილები და ა.შ. დანამდვილებით არავინ იცის ეს სიმართლეა თუ ადამიანის ფანტაზია. ერთ ერთი ასეთი მისტიური მოვლენა ადამიანის მიერ შექმნილი ნახატებია,რომელიც სხვადასხვა დროს, მსოფლიოს სხვადასხვა ადგილას იქმნებოდა.

ზოგისთვის მისტიკური და დაწყევლილი დავინჩის მონა ლიზაა, ზოგისთვის კი ნახატი რომელიც ადამიანებს უბრალოდ აღიზიანებს. როდესაც ასეთ ნახატებზე ვსაუბრობთ, არ შეიძლება არ ვახსენოთ ნორვეგიელი მხატვარი ედვარდ მუნკი რომელმაც დიდი გავლენა იქონია გერმანულ ექსპრესიონიზმზე. მისი ნახატების ძირითადი თემა სიღარიბე,ავადმყოფობა და სიკვდილი იყო. “ტირილი” და “ყვირილი” მისი ყველაზე ცნობილი ნახატებია რომელიც ადამიანში შიშს და უცნაურ შეგრძნებას იწვევს.

ეს ედვარდ მუნკის ერთ ერთი ცნობილი ნახატია და ალბათ უმრავლესობას ნანახიც გაქვთ. ბევრი ამბობს რომ ნახატის ხილვის შემდეგ ძალიან ცუდი გრძნობა ეუფლებათ. ნახატი საკმაოდ ძლიერ ემოციებს იწვევს და არცაა გასაკვირი ადამიანების ასეთი რეაქცია.

შეიცლება თუ არა ნახატი იყოს დაწყევლილი? შეუძლია სულს ჩასახლდეს ნახატში? იცოდნენ თუ არა მხატვრებმა რას ქმნიდნენ როდესაც ისინი ხატავდნენ ასეთ სურათებს?
უმრავლესობა მხატვრებისა გეტყვით რომ ისინი ხატავენ რასაც ხატავენ. მხატვრები ნახატებში თავიანთ ნიჭს და ასევე სულის გარკვეულ ნაწილს “დებენ” რათა საკუთარი შემოქმედება ნახატზე გააცოცხლონ. თუმცა თითოეულ ადამიანს ხელოვნებაზე ინდივიდუალური ხედვა აქვს და ზოგს შეიძლება უბრალო ნახატიც კი მოეჩვენოს მისტიურად.

ედვარდ მუნკი 1863 წლის 12 დეკემბერს, ნორვეგიაში დაიბადა. მუნკის მშობლები, და და ძმა გარდაიცვალნენ როდესაც ედვარდი ჯერ კიდევ ძალიან ახალგაზრდა იყო, რაც ხსნის მის სურათებზე ასეთ პესიმიზმს და სევდას. 1892 წლიდან იგი ბერლინში გადავიდა საცხოვრებლად და 1908 წლამდე იგი ძირითადად გერმანიაში და საფრანგეთში მოღვაწეობდა.
1910 წელს იგი ნორვეგიაში დაბრუნდა და მისი ბოლო ნამუშევრები გაცილებით ფერადი და ოპტიმისტური იყო. იგი 1944 წელს გარდაიცვალა.

“ხელები ეწინააღმდეგება მას” ან A Haunted Painting On Ebay არის ბილლ სტონჰემის ნახატი რომელიც პოპულარული ინტერნეტის საშუალებით გახდა. 2000 წლის თებერვალში იბეის ელექტრონულ აუქციონზე სურათის გამყიდველი წერდა რომ ეს სურათი იყო დაწყევლილი. იგი ირწმუნებოდა რომ სურათზე პერსონაჟები ღამით მოძრაობდნენ და მეტიც, ისინი ოთახშიც კი გადმოდიოდნენ. სურათმა აჟიოტაჟი გამოიწვია და იგი გაცილებით ძვირად, 1025 დოლარად გაიყიდა. (მისი საწყისი ფასი 199 დოლარი იყო)

ნახატის ავტორი ბილი ამბობს რომ სურათზე ბიჭუნა არის თავად მხატვარი, ხოლო ხელები სამყაროს სხვა მაცხოვრებლები. კარები ხელებსა და ბიჭუნას შორის არის კეტელი სიზმარსა და რეალურ ცხოვრებას შორის. ხოლო თოჯინა კი მისი ერთად ერთი მეგზურია.
წყვილი რომელმაც ეს სურათი პირველებმა იყიდეს, ერთი წლის შემდეგ გარდაცვლილი იპოვეს.

ეს კი იბეის ორიგინალი ტექტის თარგმანია :

” როდესაც ნახატი პირველად მივიღეთ,ვიფიქრეთ რომ ეს მართლად შესანიშნავი ხელოვნების ნიმუში იყო. იგი ერთმა პიროვნებამ ძველ ლუდის ქარხანასთან მიტოვებული იპოვა. თავიდან გვიკვირდა თუ რატომ იყო ასე მიგდებული ასეთი კარგი ნახატი (დღეს კი არა !!!)
ერთ დილას ჩვენი 4 წლინახევრის შვილი ირწმუნებოდა რომ ბავშვები სურათზე ჩხუბობდნენ და ღამით ოთახში გადმოდიოდნენ. მე არ მჯერა ზებუნებრივი მოვლენების, უცხოპლანეტელების და ა.შ თუმცა ბავშვის ამ სიტყვებმა ჩემი ქმარი შეაშფოთა. ჩემდა გასაკვირად ქმარმა სახლში კამერა დააყენა რომელიც მოძრაობას აფიქსირებს. მესამე ღამის შემდეგ კამერამ ოთახში მოძრაობა დააფიქსირა და გადავწყვიტეთ ნახატი სასწრაფოდ მოგვეშორებინა. სანამ ნახატის ყიდვას გადაწყვეტთ, წაიკითხეთ გაფრთხილება.

გაფრთხილება !!! ნუ შემომთავაზებთ ფასს თუ თქვენ ხართ დეპრესიული ან ახლახან გადაიტანეთ რაიმე სტრესი, ან ხართ ცუდად დამოკიდებული ზებუნებრივი მოვლენების მიმართ. ფასის შემოთავაზებასთან ერთად თქვენ თანხმდებით იმაზე რომ გამყიდველი თავისუფლდება ყოველგვარი პასუხისმგებლობისგან. ნახატმა შეიძლება გამოიწვიოს რაიმე ზებუნებრივი ეფექტი თქვენს ცხოვრებაზე. თუმცა ყიდვის შემთხვევაში თქვენ ასევე აფასებთ მხატვრის უდავო ნიჭს.”

საინტერესოა არა? ერთის მხრივ მართლაც რომ მისტიური ჩანს თუმცა რო დაუფიქრდე არც ის არის გამორიცხული რომ გამყიდველ ოჯახს უბრალოდ ფულის გაკეთება სურდათ. მართალი გითხრათ გამიკვირდა რომ ეს ნახატი 1000 დოლარზე მეტად არ გაიყიდა. ეს სურათი ინტერნეტში დღემდე პოპულარულია და სურათის ისტორიის მიხედვით ერთ ერთი ვიდეო თამაშიც კი შეიქმნა.

დელფინ ლალაურიეს პორტრეტი

რიკარდო პუსტანიომ მადამ დელფინ ლალაურიეს პორტრეტი 1997 წელს დახატა. ერთი შეხედვით სურათზე არაფერი მისტიური არ არის და მხატვარი აცხადებს რომ მან უბრალოდ დახატა ის რაც მის თავში იყო.

პუსტანიომ ეს სურათი დახატა დაკვეთით და სურათზე გამოსახულია ლალაურიეს იდუმალ სახლში მცხოვრები მადამ დელფინი. სურათმა და სახლმა სწრაფად დააინტერესა პარანორმალური მოვლენების გამომძიებლები რომლებიც ძველ მისტიურ და სულებით შეპყრობილ სახლებს იძიებენ.

სახლში მცხოვრები ოჯახი შეაშფოთა ოჯახში მომხდარმა უცნაურმა მოვლენებმა. ოჯახის წევრებს უცნაური ხმები ესმოდათ. ნახატმა იმდენად შეაშინა ოჯახის წევრები რომ ნახატი პუსტანიოს დაუბრუნეს. ერთ ერთმა ოჯახის წევრმა პუსტანიოს უთხრა რომ ნახატი მას თვალებს აყოლებდა. იგი ირწმუნებოდა რომ სურათი ზოგჯერ იხრებოდა.

პუსტანიოს არაფერი განუცხადებია უცნაური მოვლენების შესახებ როდესაც ნახატი მის სახლში იყო. ეს ნახატი დღეს კერძო კოლექციის ნაწილია და მესაკუთრეები ერიდებიან მასზე ლაპარაკს.

ასეთი სურათი ძალიან ბევრია და დღემდე ბევრი ადამიანის ინტერესს იწვევს. ზოგი მართლაც უარყოფით ემოციებს იწვევს, ზოგიც კი უბრალოდ ფულის შოვნის კარგ საშუალებად არის გადაქცეული. სამწუხაროდ დანამვდილებით ვერავინ იტყვის აქვს თუ არა ამ სურათებს ზებუნებრივი ძალები ან არაიან თუ არა ისინი შეპყრობილი სულების მიერ. თუმცა ალბათ დამეთანხმებით რომ ამ მისტიური ლეგენდების გარეშეც ნახატები მართლა საინტერესოა.

]]> http://www.gegepage.com/2010/02/17/%e1%83%93%e1%83%90%e1%83%ac%e1%83%a7%e1%83%94%e1%83%95%e1%83%9a%e1%83%98%e1%83%9a%e1%83%98-%e1%83%9c%e1%83%90%e1%83%ae%e1%83%90%e1%83%a2%e1%83%94%e1%83%91%e1%83%98/feed/ 4 ჰელოუინი – სრული ისტორია http://www.gegepage.com/2010/02/17/%e1%83%b0%e1%83%94%e1%83%9a%e1%83%9d%e1%83%a3%e1%83%98%e1%83%9c%e1%83%98-%e1%83%a1%e1%83%a0%e1%83%a3%e1%83%9a%e1%83%98-%e1%83%98%e1%83%a1%e1%83%a2%e1%83%9d%e1%83%a0%e1%83%98%e1%83%90/ http://www.gegepage.com/2010/02/17/%e1%83%b0%e1%83%94%e1%83%9a%e1%83%9d%e1%83%a3%e1%83%98%e1%83%9c%e1%83%98-%e1%83%a1%e1%83%a0%e1%83%a3%e1%83%9a%e1%83%98-%e1%83%98%e1%83%a1%e1%83%a2%e1%83%9d%e1%83%a0%e1%83%98%e1%83%90/#comments Wed, 17 Feb 2010 09:00:44 +0000 Dav1D http://www.gegepage.com/?p=273 ჰელოუინის ისტორია კელტური ქვეყნებიდან იღებს სათავეს. კელტები, თავიანთ დრუიდებთან ერთად,  საკმაოდ გათვიცნობიერებულები იყვნენ სპირიტუალურ სამყაროში და მათ დახმარებასაც იყენებდნენ. ამის რამოდენიმე მაგალითი ღმერთებისადმი ომში  გამარჯვების, კარგი მოსავლის და ავი სულების დასაფრთხობად მიძღვნილი რიტუალებია.

კელტების ორი მთავარი დღესასწაული ქონდათ. პირველ მაისს ისინი ზაფხულის დაწყებას აღნიშნავდნენ, ხოლო 1 ნოემბერს კი საჰვინს ანუ ზაფხულის დამთავრებას. მათ ჯეროდათ რომ პირველ ნოემბერს ორ სამყაროს საზღვარი ერთმანეთს უახლოვდებოდა და საჰვინი იყო დრო როცა ზებუნებრივი ძალები აქტიურდებოდნენ. ამ დღეს მოჩვენებები დასხვა ზებუნებრივი არსებები თავისუფლად გადმოდიოდნენ ადამიანთა სამყაროში.

“საჰვინის პერიოდში სამყაროს ნორმალური წყობილება დარღვეულია, ბუნებრივ და ზებუნებრივ სამყაროს შორის ბარიერი დროებით არ არსებობს.ბუნებრივ სამყაროში გადმოსასვლელად ამ დღეს გარდაცვლილთა სულებისთვის კარები ღიაა.” – კელტური მითოლოგია.

რიტუალი ავი სულების დასაფრთხობად -

ზაფხულის მიწურულს დრუიდები ატარებდნენ რიტუალებს, რომლის დროსაც ისინი ღმერთებს მსხვერპლად წირავდნენ ცხოველებს და მოსავალს. ზოგჯერ ადამიანებსაც კი.
ისინი ღმერთებს თხოვდნენ დაებრუნებინათ მზე ზამთრის შემდეგ და განედევნათ ავი სულები.

რიტუალის დროს კელტები ანთებდნენ კოცონს. ცეცხლი წარმოადგენდა მზეს და ეხმარებოდა დრუიდებს ბნელი ძალების განდევნაში. დრუიდები ამ ცეცხლში წვავდნენ ცხოველებს და ზოგჯერ ადამიანებს. კელტებს ეს ცეცხლი მთელი ზამთარი ენთოთ და იგი მზის შემცვლელს წარმოადგენდა. ეს რიტუალები კელტურ ქვეყნებში 1600 წლიდან შეწყდა.

საინტერესოა ის ფაქტი რომ ეს რიტუალი რომელიც ცეცხლით სრულდება, ძალიან გავს ქართულ “ჭიაკოკონობას” . ამ ორივეს ერთი დანიშნულება ქონდა – განედევნათ ავი სულები.
ჭიაკოკონობის ისტორია კი როგორც ამბობენ მაზდეანური ტრადიციებიდან მოდის. საინტერესოა რომ ევროპის სხვადასხვა ბოლოში მცხოვრებ ხალხში ცეცხლს საერთო დანიშნულება ქონდა.

პაგანური რიტუალები და ქრისტიანობა

ევროპაში ქრიტიანობის გავრცელების შემდეგ ხალხს არ უცდია გაეყქმებინა ეს პაგანური ტრადიცია. მათ საჰვინს სახე შეუცვალეს და ქრისტიანული ხალხისთვის უფრო მისაღები გახადეს. ამის შემდეგ საჰვინი პაგანური კულტურის და ქრისტიანული ტრადიციების ნაზავი გახდა.

მეშვიდე საუკუნეში პაპმა ბონიფეს მეოთხემ საჰვინი წმინდანთა დღით შეცვალა. პირველ ნოემბერს ქრისტიანული კელტური ქვეყნები პაგანური ფესტივალის მაგივრად წმინდათა მოხსენიების დღეს აღნიშნავდნენ. ეს დღე მანამდე 13 მაისს აღინიშნებოდა, მაგრამ პაპმა დღესასწაული 1 ნოემბერს აღინიშნებოდა. 31 ოქტომბერი კი გახდა წმინდანთა ღამე. ინგლისურად Hallows’ Eve. ‘hallow’ ინგლისურად წმინდას ნიშნავს.

ჰელოუინი ამერიკაში

ტრადიციული ჰელოუინის სიმბოლოები (ალქაჯები, შავი კატები, გოგრები, სანთლები, ნიღმები და ა.შ0 ამერიკაში მეცხრამეტე საუკუნეში გამოჩნდა. 1848 წლიდან ამერიკაში მილიონობით ირლანდიელმა დაიწყო მიგრაცია. ახალ გარემოში დრუიდულმა დღესასწაულმა ახალი სახლი იპოვა. Jack-o-lantern ანუ გოგრაში გამოჭრილი სახე არის დაწყევლილი სულის უძველესი სიმბოლო. ტრადიციულად ირლანდიელები თალგამისგან ან ჭარხლისგან აკეთებნენ სახეს რომელიც ავ სულს ან გობლინს გამოსახავდა.

როდესაც ირლანდიელები ამერიკაში ჩამოვიდნენ, მათ ვერ იპოვეს ვერც თალგამი და ვერც ჭარხალი სახის გამოსაჭრელად. თუმცა მათ იპოვეს გოგრა და ამის შემდეგ გოგრებზე დაიწყეს სახის გამოთლა. გოგრა ჰელოუინის სიმბოლო გახდა.

გოგრაზე გამოკვეთილი დაწყევლილი სული ან დემონი აფრთხოვდა სხვა ავ სულებს. ირლანდიელებს ჯეროდათ რომ თუ დემონი ან ავი სული ნახავდა თავისნაირ შეხედულების არსებას, ისინი შეშინებულები გაიქცეოდნენ იმ ადგილიდან. ამიტომ ისინი გოგრებს სოფლების საზღვრებზე დებდნენ და მათში სანთლებს ანთებდნენ რათა ღამითაც ხილული ყოფილიყვნენ.

ჰელოუინის სხვა სიმბოლოები

ღამურები, ბუები და სხვა ღამის ცხოველები პოპულარულ ჰელოუინის სიმბოლოებია. კელტებს ჯეროდათ რომ ესეთ ცხოველებს შეეძლოთ ესაუბრათ გარდაცვლილ სულებთან.

შავ კატას კი რელიგიური დატვირთვა აქვს. შავი კატები ითვლებოდნენ რეინკარნირებულ არსებებათ რომელთაც წინასწარმეტყველების ნიჭი ქონდათ. შუა საუკუნეების ევროპაში კი ჯეროდათ რომ ალქაჯებს შეეძლოთ შავ კატად გადაქცევა. როდესაც ისინი სადმე შავ კატას ნახავდნენ, თვლიდნენ რომ ეს გარდასახული ალქაჯი იყო.

ჯადოქრები და ჯადოქრობაც დაკავშირებულია ჰელოუინის დღესასწაულთან. ჯადოქრები არიან უძველესი რელიგიის მიმდევრები რომელსაც ისინი “ვიკას” (Wicca) უწოდებენ. დღეს ჯადოქრები თანამედროვე პაგანიზმის წარმომადგენლები არიან. პაგანიზმი ეს არის რელიგია რომლის მიმდევრებიც აღიარებენ ძველი რელიიგის, სკანდინავიური, ბერძნული ან კელტურური მითოლოგიის ღმერთების არსებობას და ეთაყვანებიან მათ.

ჯადოქრებისთვის ჰელოუინი არის მკვდართა ფესტივალი და მათთვის ეს დღე წარმოადგენს “ჯადოქართა წლის დასასრულს და დასაწყისს.” ანუ მათთვის ეს დღე ახალი წელია. რადგანაც ძველი კელტური გადმოცემების თანახმად ამ დღეს ორ სამყაროს შორის საზღვარი ძალიან ახლოა, თანამედროვე ჯადოქრები ჰელოუინის დღეს ატარებენ რიტუალს და ცდილობენ სულებთან კონტაქტში შესვლას.

თანამედროვე ჰელოუინი

დღეს ჰელოუინს მილიონობით ადამიანი აღნიშნავს. უმეტესობამ არც კი იცის ამ დღის დანიშნულება. თუმცა ჰელოუინს დღეს სახე შეცვლილი აქვს და უბრალოდ გასართობ ფესტივალად არის გადაქცეული. ძველ დროში კი ჰელოუინის დანიშნულება სხვა იყო.

როდესაც კითხვა ისმის – “აღნიშნოს თუ არა ქრისტიანმა და სხვა თანამედროვე რელიგიების მიმდევრებმა ჰელოუინი?” პასუხი შეიძლება იყოს ორგვარი : შეიძლება აღნიშნოს და გაერთოს მეგობრებთან ერთად და არც კი იცოდეს რას ნიშნავს ჰელოუინი ან აღნიშნოს რიტუალების ჩასატარებლად რაც სხვა რელიგიებისთვის მიუღებელია. დღეს ჰელოუინი უბრალოდ ფესტივალია თუმცა მისი ნამდვილი დატვირთვა პაგანური და ოკულტურია.

]]> http://www.gegepage.com/2010/02/17/%e1%83%b0%e1%83%94%e1%83%9a%e1%83%9d%e1%83%a3%e1%83%98%e1%83%9c%e1%83%98-%e1%83%a1%e1%83%a0%e1%83%a3%e1%83%9a%e1%83%98-%e1%83%98%e1%83%a1%e1%83%a2%e1%83%9d%e1%83%a0%e1%83%98%e1%83%90/feed/ 10 დრუიდიზმი და დრუიდები http://www.gegepage.com/2010/02/16/%e1%83%93%e1%83%a0%e1%83%a3%e1%83%98%e1%83%93%e1%83%98%e1%83%96%e1%83%9b%e1%83%98-%e1%83%93%e1%83%90-%e1%83%93%e1%83%a0%e1%83%a3%e1%83%98%e1%83%93%e1%83%94%e1%83%91%e1%83%98/ http://www.gegepage.com/2010/02/16/%e1%83%93%e1%83%a0%e1%83%a3%e1%83%98%e1%83%93%e1%83%98%e1%83%96%e1%83%9b%e1%83%98-%e1%83%93%e1%83%90-%e1%83%93%e1%83%a0%e1%83%a3%e1%83%98%e1%83%93%e1%83%94%e1%83%91%e1%83%98/#comments Wed, 17 Feb 2010 01:28:08 +0000 Dav1D http://www.gegepage.com/?p=259 კელტურ რელიგიაში დრუიდიზმი ანტიკური დრუიდების, კელტური საზოგადოების ქურუმთა კლასის წეს-ჩვეულებებს ნიშნავს, რომლებიც დასავლეთ ევროპაში, ალპების ჩრთილოეთით და ბრიტანულ კუნძულებზე იყო გავრცელებული. დრუიდური პრაქტიკები ევროპული ტომების კულტურის ნაწილი იყო. ძირითადად დრუიდიზმი გალურ და კელტურ ტომებში იყო პოპულარული.

თანამედროვე დრუიდებს რომლებსაც სურთ კვლავ მოიყვანონ პრაქტიკაში დრუიდიზმი, ნეო- დრუიდები ეწოდებათ. ხოლო მათ მიმდევრობას ნეო-დრუიდიზმი.

დღეს დრუიდიზმის შესახებ ბევრი რამ არ არის ცნობილი. თვითონ სიტყვა დრუიდის მნიშვნელობაც არ არის დაზუსტებით ცნობილი და არსებობს რამდენიმე ვერსია. ერთ ერთი ვერსიის თანახმად სიტყვა “დრუიდი” მოდის კელტური სიტყვიდან რომელიც მუხის ხეს ნიშნავს. ასევე არის მეორე ვერსია რომლის თანახმადაც “დრუიდი” სიბრძნეს ნიშნავს.

როგორც უკვე ავღნიშნე დრუიდებზე ფაქტები არც ისე ბევრია. დაზუსტებით არავინ იცის თუ როგორ ხდებოდნენ ადამიანები დრუიდები. ერთ ერთი ვერსიის თანახმად დრუიდობისთვის ადამიანს 20 წელი უნდა ესწავლა მაგიურ ტბასთან სადაც ისინი სწავლობდნენ ასტრონომიას, მაგიას, პოეზიას და უცხო ენებს.

ზოგიერთი ტრადიციული დრუიდული პრაქტიკები შეიძლება დღესაც კი შეგვხვდეს. ჰელოუინს და სხვა მოსავლის ასაღები რიტუალებს სწორედ დრუიდული წარსული აქვს.
თუმცა ამ რიტუალებზე დროის მანძილზე ბევრმა სხვა ტრადიციებმა იქონიეს გავლენა და ამ ყველაფერს სახე ეცვალა.

ბევრი თვლის რომ დრუიდები მხოლოდ მამაკაცები იყვნენ. ძველ რომში და საბერძნეთში მამაკაცთა და ქალთა მაგიური სკოლა განცალკევებული იყო. სწორედ ეს შეიძლება ეს დავასახელოთ იმის მიზეზად რომ ხალხს დრუიდები მხოლოდ მამაკაცები გონიათ. თუმცა კელტურ საზოგადოებაში ქალ დრუიდებს მნიშვნელოვანი როლი ეჭირათ და ისტორიაში ამის რამდენიმე მაგალითი გვხვდება. მართალია ქალი ვერ ახერხებდა გაეკეთებინა მამაკაცის საქმე რომელიც მეზღვაურობას, ჯარისკაცობას და ფერმერობას შეეხებოდა, მაგრამ დრუიდულ ტომებში გენდერული თანასწორობა იყო დაცული.

დრუიდიზმის გავლენა რელიგიური და ასევე სოციალური იყო. ისინი არა მარტო ქურუმების როლს ასრულებდნენ, არამედ ისინი იყვნენ ფილოსოფოსები, მეცნიერები, მასწავლებლები, მოსამართლეები და ა.შ. დრუიდებს სჯეროდათ მრავალღმერთიანობის და მთვარის კალენდარიც მათი შედგენილია.

სტოუნჰენჯი

ბევრი ისტორიკოსი ამტკიცებს რომ სტოუნჰენკი დრუიდების აშენებულია. თუმცა უფრო ბევრი თვლის რომ არა. ანტიკური პერიოდის ცნობილი მკვლევარი ჯონ ობრმა პირველმა წამოაყენა ვერსია, რომ ცნობილი სტოუნჰენჯის ამშენებლები სწორედ დრუიდები იყვნენ. სიმართლე ისაა რომ ეს დაზუსტებით არავინ იცის. დრუიდები ბრინჯაოს ხანის ბოლო პერიოდიდან გვხვდება, ხოლო სტოუნჰენჯი უფრო ძველია. ამიტომაც ისტორიკოსები თვლიან რომ სტოუნჰენჯი დრუიდებს არ აუშენებიათ. თუმცა არავინ იცის რას უწოდებდნენ თავიანთ თავს კელტური ქურუმები დრუიდიზმის გავრელებამდე.ამიტომ ამ კითხვაზე “შეიძლება” მისაღები პასუხია.

]]> http://www.gegepage.com/2010/02/16/%e1%83%93%e1%83%a0%e1%83%a3%e1%83%98%e1%83%93%e1%83%98%e1%83%96%e1%83%9b%e1%83%98-%e1%83%93%e1%83%90-%e1%83%93%e1%83%a0%e1%83%a3%e1%83%98%e1%83%93%e1%83%94%e1%83%91%e1%83%98/feed/ 2 იეჰოვას მოწმეები http://www.gegepage.com/2010/02/07/%e1%83%98%e1%83%94%e1%83%b0%e1%83%9d%e1%83%95%e1%83%90%e1%83%a1-%e1%83%9b%e1%83%9d%e1%83%ac%e1%83%9b%e1%83%94%e1%83%94%e1%83%91%e1%83%98/ http://www.gegepage.com/2010/02/07/%e1%83%98%e1%83%94%e1%83%b0%e1%83%9d%e1%83%95%e1%83%90%e1%83%a1-%e1%83%9b%e1%83%9d%e1%83%ac%e1%83%9b%e1%83%94%e1%83%94%e1%83%91%e1%83%98/#comments Sun, 07 Feb 2010 22:12:35 +0000 Dav1D http://www.gegepage.com/?p=252

ალბათ ყველას გსმენიათ ამ სექტის შესახებ. ზოგმა იცის ვინ არიან, ზოგმა არა. ზოგი ისე ცემს მათ საერთოდ არ იციან რას ქადაგებენ. ზოგმა იცის და მაინც დაზდევს მათ საცემად და ა.შ : )
ვისთან არ დაუკაკუნებიათ მათ კარზე რვეულებით ხელში, მაგრამ “ჭეშმარიტ ღმერთზე” საუბარი დიდ ხანს ძალიან იშვიათად გრძელდება. ყველაზე ცნობილი საქართველოში ისინი ალბათ “მამა” ბასილის დროს იყვნენ, როცა რკინებით შეიარაღებული “მრევლი” დასდევდა მათ საცემად. ამ პოსტში დავწერ მათ ისტორიას და ასევე პატარა ნაწილს სწავლებიდან რათა შეგექმნათ წარმოდგენა თუ ვინ არიან ისინი.

ისტორია – იეჰოვას მოწმეების ისტორია 1872 წელს ჩარლს რასელიდან იწყება. რასელი დაიბადა 1852 წლის 16 თებერვალს. მას არ ჯეროდა ჯოჯოხეთის შესახებ და ქრისტიოანობის შესწავლის შემდეგ იგი დარწმუნებული იყო ჯოჯოხეთის არარსებობის შესახებ. მან უარყო სულიწმინდა და ასევე ქრისტე როგორც ღმერთი. 18 წლის ასაკში მან შექმნა ბიბლიის სწავლების კლასები პენსილვანიაში. 1879 წელს მან გადაწყვიტა ფართოთ გაევრცელებინა თავისი მოძღვრება.
მან გადააკეთა ერთ ერთი დილის გაზეთის გამომცემლობა და თავის გაზეთს დაარქვა “The Watchtower Announcing Jehovah’s Kingdom”. ამ გაზეთის პირველი გამოცემა მხოლოდ 6 ათასი ეგზემპლიარი იყო. დღეს კი ბრუკლინში (ნიუ იორკი) იეჰოვას მოწმეები დღეში 100 000 ზე მეტ ბუკლეტს და 800 000 ზე მეტ გაზეთს გამოცემენ ..

რასელი აცხადებდა რომ ბიბლია ადამიანებისთვის მხოლოდ მისი განმარტებით იყო გასაგები. იგი თავის გაზეთში ბეჭდავდა თავის მოძღვრებას.

რასელი 1916 წლის 31 ოქტომბერს გარდაიცვალა. მისი გარდაცვალების შემდეგ მისურელმა ადვოკატმა სახელად ჯოზეფ რუზერფორდი, გადაწყვიტა სათავეში ჩადგმოდა გაზეთის გამომცემლობას რომელიც იმ დროისთვის “ბიბლიის სტუდენტების ასოციაციით” იყო ცნობილი. 1931 წელს მან შეცვალა ორგანიზაციის სახელი და დაარქვა “იეჰოვას მოწმეები”.

რუზერფორდის გარდაცვალების შემდეგ სათავეში ნეითან ნორი მოვიდა. ნორის შემდეგ კი ფრედერიკ ფრანსი. იეღოვას მოწმეები კვირაში რამდენიმე პატარა წიგნს უშვებენ. მათ მსოფლიოში 4 მილიონზე მეტი წევრი ყავთ.

რას ასწავლიან ისინი?

1. ღმერთს აქვს მრავალი ტიტული, მაგრამ სახელი მხოლოდ ერთი აქვს. ეს სახელი არის იეჰოვა.

2. იეჰოვას აქვს სხეული, მაგრამ ჩვენი სხეულებისგან განსხვავებული. ბიბლია ამბობს: „ღმერთი არის სული“ (იოანე 4:24). სული წარმოადგენს სიცოცხლის ფორმას, რომელიც ჩვენი სიცოცხლის ფორმას ბევრად აღემატება. ადამიანს არასდროს უნახავს ღმერთი. მიუხედავად იმისა, რომ იეჰოვა ზეცაში მკვიდრობს მას ყველაფრის დანახვა შეუძლია (ფსალმუნი 10:4, 5; იოანე 1:18). მაგრამ, რა არის სულიწმიდა? ის არ არის პიროვნება, როგორც ღმერთი. პირიქით, ის ღმერთის მოქმედი ძალაა (ფსალმუნი 103:30).

3. სიტყვა „ეშმაკი“ ახასიათებს პიროვნებას, რომელიც ბოროტად ცრუობს სხვა პიროვნების შესახებ. „სატანა“ ნიშნავს მტერს ან მოწინააღმდეგეს. ეს წოდებები მიეცა ღმერთის მთავარ მტერს. თავდაპირველად ის სრულყოფილი ანგელოზი იყო და ზეცაში ღმერთთან ცხოვრობდა. მაგრამ მოგვიანებით მას დიდი წარმოდგენა შეექმნა საკუთარ თავზე და ისურვა თაყვანისცემა, რომელიც სამართლიანად ღმერთს ეკუთვნის.

4 დედამიწაზე მოსვლამდე იესო ზეცაში ცხოვრობდა, როგორც სულიერი პიროვნება. ის იყო ღმერთის პირველი ქმნილება და ამიტომ მას ღმერთის „პირმშო“ ეწოდება (კოლასელთა 1:15; გამოცხადება 3:14). იესო არის ერთადერთი ძე, რომელიც თვით ღმერთმა შექმნა. ზეცაში და დედამიწაზე სხვა ქმნილებების შესაქმნელად იეჰოვამ განკაცებამდე მცხოვრები იესო ‘ოსტატად’ გამოიყენა (იგავნი 8:22–31; კოლასელთა 1:16, 17). აგრეთვე ის ღმერთის მთავარ წარმომადგენლად მსახურობდა. სწორედ ამიტომ ეწოდება იესოს „სიტყვა“ (იოანე 1:1–3; გამოცხადება 19:13).

და ა.შ

როცა პატარა ვიყავი, ამ ხალხს ყოველთვის სატანისტებთან და ბოროტ ადამიანებთან ვაკავშირებდი =) ეხლა კი ვხვდები რო ისინი უბრალოდ რელიგიური უმცირესობაა როგორც პურიტანები, ქუაქერები და ა.შ უბრალოდ არ მესმის რატო დაზდევდნენ ამ ხალხს :D

]]> http://www.gegepage.com/2010/02/07/%e1%83%98%e1%83%94%e1%83%b0%e1%83%9d%e1%83%95%e1%83%90%e1%83%a1-%e1%83%9b%e1%83%9d%e1%83%ac%e1%83%9b%e1%83%94%e1%83%94%e1%83%91%e1%83%98/feed/ 102 World of Warcraft http://www.gegepage.com/2010/02/06/world-of-warcraft/ http://www.gegepage.com/2010/02/06/world-of-warcraft/#comments Sat, 06 Feb 2010 23:46:43 +0000 Dav1D http://www.gegepage.com/?p=246

არ ვიცი რა ვუწოდო ამ თამაშს .. თამაში არა, უფრო სამყაროს სადაც ხარ ნაწილი მსოფლიო მითოლოგიის და ხარ ერთ ერთი ზღაპრული არსება რომელიც თავის გადარჩენისთვის იბრძვის.

ეს არის World of Warcraft რომლის ნაწილი 10 მილიონზე მეტი მოთამაშეა. მათ შორის მეც ვიყავი დიდი ხანი, მაგრამ დროის უქონლობის გამო ძალიან სწრაფად (რომ არ გადამეფიქრებინა) დავაჭინე Uninstall ს და ისეთი შეგრძნება მქონდა თითქოს საკუთარ შვილს ვახროჩობდი : D მივატოვე ჩემი ელფი და დავუბრუნდი ისევ ადამიანთა უაზრო და ბოროტ სამყაროს : (

ერთ რჩევას მოგცემთ .. თუ მითოლოგიები გიყვართ, ამ თამაშის ჩაწერა არც იფიქროთ : D 2 თვეა დავანებე თავი და რაც სკანდინავიური მითოლოგიის კითხვა დავიწყე იმის მერე “ლომკები” მაქვს =)

განსაკუთრებით მომწონს თამაშის დახვეწილი ისტორია .. აქ არაფერი ხდება უაზროდ : ) ყველა ომს თუ რაიმე სხვა მოვლენას თავისი მიზეზი აქვს. WoW ის ვიკი ქართულ ვიკიპედიაზე დიდია :D ასევე ის რომ ძალიან ცოტას თუ შეხვდებით პატარა ასაკის მოთამაშეებს.. ჩემ გილდში მგონი ყველა 25+ იყო და თავს პატარად ვგრძნობდი : ( :D

აი ეხლა ვუყურებ თაროზე შემოდებულ ყუთს რომელშიც ამ სამყაროში დამაბრუნებელი კარია 8 დისკის სახით .. რამდენიმე დღე ვიფიქრებ კიდე და მერე ვნახოთ :P ..

თქვენ კი ვისაც ჯანმრთელი ცხოვრების წესი გაქვთ არჩეული და არ ეკარებით არანაირ ნარკოტიკს .. თუ გადაიფიქრეთ და მოგინდათ რაიმე ძლიერი ნარკოტიკი, შეგიძლიათ შეხვიდეთ აქ !!!

]]> http://www.gegepage.com/2010/02/06/world-of-warcraft/feed/ 8 სკანდინავიური მითოლოგია #2 http://www.gegepage.com/2010/02/04/%e1%83%a1%e1%83%99%e1%83%90%e1%83%9c%e1%83%93%e1%83%98%e1%83%9c%e1%83%90%e1%83%95%e1%83%98%e1%83%a3%e1%83%a0%e1%83%98-%e1%83%9b%e1%83%98%e1%83%97%e1%83%9d%e1%83%9a%e1%83%9d%e1%83%92%e1%83%98%e1%83%90/ http://www.gegepage.com/2010/02/04/%e1%83%a1%e1%83%99%e1%83%90%e1%83%9c%e1%83%93%e1%83%98%e1%83%9c%e1%83%90%e1%83%95%e1%83%98%e1%83%a3%e1%83%a0%e1%83%98-%e1%83%9b%e1%83%98%e1%83%97%e1%83%9d%e1%83%9a%e1%83%9d%e1%83%92%e1%83%98%e1%83%90/#comments Thu, 04 Feb 2010 07:48:16 +0000 Dav1D http://www.gegepage.com/?p=237

მიდგარდი უზარმაზარი ოკეანით იყო გარშემორტყმული. ოდინმა, ვილიმ და ვემ შექმნა მიწები მეგობარ გოლიათების სამეფოსთან ახლოს. ორი ხისგან მათ შეკმნეს ადამიანი : ქალი და კაცი.
ოდინმა მათ მისცა სული და სიცოცხლე. ვილიმ მათ მისცა ცოდნა და მოძრაობის უნარი. ვემ კი ტანსაცმელი და სახელები. მამაკაცს აში ერქვა. ხოლო ქალს კი ელმი. აში და ელმი არიან ადამიანების პირველი წინაპრები.

ამის შემდეგ მათ ააშენეს ასგარდი, ღმერთების სამყოფელი. დარბაზში რომელსაც ჰლიდკალფი ერქვა, ზის ოდინი თავის სამეფო ტახტზე, საიდანაც იგი გადმოჰყურებს მთელ დედამიწას. ოდინი დაქორწინდა გოლიათ ფიორგვინის შვილ ფრიგაზე.

იგდრასილი – ეს არის სამყაროს ხე რომელიც მიდგარდის ცენტრშია. მისი ტოტები ასგარდს წვდება. მთლიანი სამყარო დაყრდნობილია ამ ხეზე. ხეს აქვს სამი ფესვი. ერთი ფესვი ქვესკნელში (ჯოჯოხეთში) ჩადის, მეორე ყინულის გოლიათების სამეფოში და მესამე ადამიანთა სამყაროში.
ხის ქვეშ არის წყარო სახელად ურდა, რომელსაც ნორნები – სამი ბედისწერის ქალღმეთი იცავს. იქვე არის სხვა ორი წყარო, რომლებიც იგდრასილს კვებავენ. ერთის სახელია ჰვერგელმერი და მეორის მიმერის წყარო. დრაკონი ნიდჰოგი, რომელიც  ჰვერგელმერში ბინადრობს, ღრღნის იგდრასილის ფესვებს. მიმერი არის სიბრძნის წყარო და მას ყველაზე ბრძენი არსება მიმერი იცავს.

ბიფროსტი

ღმერთებმა ააშენეს ხიდი ბიფროსტი ასგარდიდან (ზეცა) მიდგარდამდე (დედამიწა). მას ჰეიმდალი იცავდა. ჰეიმდალს ძალიან ფხიზლად ძინავს, ხედავს თითქმის ყველაფერს და მას ესმის ბალახის გაზრდის ხმაც კი.

ღმერთები და ქალღმერთები

სკანდინავიური ღვთაებები დაყოფილია ორ ძირითად ჯგუფად: აესირი და ვანირი. ვანირები ან “დედამიწის ღმერთები”არიან სიმდიდრის და ნაყოფიერების ღვთაებები. ისინი დაკავშირებულები არიან მიწასთან და ზღვასთან.ყველაზე გავლენიანები ვანირთა შორის არიან : ნჯორდი, ფრეირი, აეგირი და ფრეა.
აესირი  (“ცის ღმერთები”) არის ძალის, სიბრძნის და ომის სიმბოლო. ისინი ცხობრობენ დიდ ხანს, მაგრამ უკვდავები არ არიან. ოდინი არის ღმერთების ლიდერი. თორი თავის მაგიურ უროსთან ერთად, არის ელვის ღმერთი რომელიც ადამიანების მეთვალყურეა.ლოკი გოლიათია. იგი არ იყო აესირის ღმერთი თუმცა ოდინმა მასთან ძმობის ფიცი დადო და ამის შემდეგ ისნი სისხლის ძმები არიან. ლოკი თაღლითი და აუტანელია.

უძველეს წარსულში აესირსა და ვანირს შორის საშინელი ომი იყო. კომფლიქტი ღმერთებს შორის მაშინ დაიწყო როდესაც ოდინმა და თორმა უარი თქვეს ეღიარებინათ გოდჰუდი და ვანირი. თუმცა ომის შემდეგ ღმერთებმა ზავი დადეს და გადაწყვიტეს “გაეცვალათ” ღმერთები ერთმანეთში. ვანირის ღმერთებმა ნჯორდი და მისი შვილები ფრეირი და ფრეა გაგზავნეს აესირში. აესირის ღმერთებმა კი მიმირი და ჰოენირი. ზავი ღმერთებმა ერთად შეკრებით აღნიშნეს. შეხვედრის დროს მათ ჩააფურთხეს თასსში და შექმნეს გოლიათი კვასირი, რომელიც მშვიდობის და ჰარმონიის სიმბოლო იყო. კვასირი შემდეგ პოეტების შთაგონების წყარო გახდა.

]]> http://www.gegepage.com/2010/02/04/%e1%83%a1%e1%83%99%e1%83%90%e1%83%9c%e1%83%93%e1%83%98%e1%83%9c%e1%83%90%e1%83%95%e1%83%98%e1%83%a3%e1%83%a0%e1%83%98-%e1%83%9b%e1%83%98%e1%83%97%e1%83%9d%e1%83%9a%e1%83%9d%e1%83%92%e1%83%98%e1%83%90/feed/ 1 Lost – მეექვსე სეზონი http://www.gegepage.com/2010/02/02/lost-%e1%83%9b%e1%83%94%e1%83%94%e1%83%a5%e1%83%95%e1%83%a1%e1%83%94-%e1%83%a1%e1%83%94%e1%83%96%e1%83%9d%e1%83%9c%e1%83%98/ http://www.gegepage.com/2010/02/02/lost-%e1%83%9b%e1%83%94%e1%83%94%e1%83%a5%e1%83%95%e1%83%a1%e1%83%94-%e1%83%a1%e1%83%94%e1%83%96%e1%83%9d%e1%83%9c%e1%83%98/#comments Wed, 03 Feb 2010 06:19:57 +0000 Dav1D http://www.gegepage.com/?p=228

2 თებერვალს ABC ზე გაიმართა ლოსტის პრემიერა და დიდი ხნის ლოდინის შემდეგ კვლავ დაგვიბრუნდნენ დაკარგულები. სამწუხაროა ის რომ ეს დაკარგულების ბოლო სეზონი იქნება. პირველმა ორ სერიამ საკმაოდ კარგი შთაბეჭდილება დამიტოვა. მოკლედ .. გილოცავთ ლოსტით დაავადებულო ფანებო ახალ სეზონს : )

]]> http://www.gegepage.com/2010/02/02/lost-%e1%83%9b%e1%83%94%e1%83%94%e1%83%a5%e1%83%95%e1%83%a1%e1%83%94-%e1%83%a1%e1%83%94%e1%83%96%e1%83%9d%e1%83%9c%e1%83%98/feed/ 4 ნაციზმი და ოკულტიზმი – ასტროლოგია http://www.gegepage.com/2010/02/01/%e1%83%9c%e1%83%90%e1%83%aa%e1%83%98%e1%83%96%e1%83%9b%e1%83%98-%e1%83%93%e1%83%90-%e1%83%9d%e1%83%99%e1%83%a3%e1%83%9a%e1%83%a2%e1%83%98%e1%83%96%e1%83%9b%e1%83%98-%e1%83%90%e1%83%a1%e1%83%a2/ http://www.gegepage.com/2010/02/01/%e1%83%9c%e1%83%90%e1%83%aa%e1%83%98%e1%83%96%e1%83%9b%e1%83%98-%e1%83%93%e1%83%90-%e1%83%9d%e1%83%99%e1%83%a3%e1%83%9a%e1%83%a2%e1%83%98%e1%83%96%e1%83%9b%e1%83%98-%e1%83%90%e1%83%a1%e1%83%a2/#comments Tue, 02 Feb 2010 03:36:53 +0000 Dav1D http://www.gegepage.com/?p=198 პირველ პოსტში ვისაუბრე თუ როგორ გარდაიქმნა ოკულტური ორდენი ნაცისტურ პარტიათ .ამ პოსტში კი მინდა დავწერო ნაცისტური გერმანიის ასტროლოგიისადმი ინტერესის შესახებ.

ნაცისტები დიდად დაინტერესებულები იყვნენ ასტროლოგიით რომელიც შემდეგ ძალიან პოპულარული გახდა გერმანელებში. ასტროლოგია და ზოდიაქო დღესაც ფართოდ არის გავრცელებული მსოფლიოში. ასტროლოგიით ჯერ კიდევ ბაბილონელები იყვნენ დაინტერესებული ქრისტეშობამდე დაახლოებით 1000 წელს. ბაბილონელებს ჯეროდათ რომ პლანეტების მოძრაობით შეიძლებოდა გარკვეული ნიშნების წაკითხვა და ახსნა.
პირველ და მეორე საუკუნეებში ასტროლოგიით ბერძნებიც დაინტერესდნენ. ბაბილონელებისგან განხვავებით ბერძნები იყენებდნენ ნატალურ ჰოროსკოპს.

პირველ მსოფლიო ომამდე ასტროლოგია არ იყო გავრცელებული საზოგადოებაში. ომის შემდეგ დამარცხებული გერმანელი ხალხი ეკონომიკურ და ფსიქოლოგიურ კრიზისში იყო. მათ რაიმე იმედის ნიშანი ჭირდებოდათ. როდესაც დედამიწაზე ისინი მხოლოდ სამხედრო წარმუმატებლობას და დანგრეულ ქვეყანას ხედავდნენ, მათ იმედის ძებნა კოსმოსში დაიწყეს.
ამის შემდეგ ასტროლოგია ძალიან პოპულარული გახდა და კუბურ კილომეტრზე მსოფლიოში ყველაზე მეტი ასტროლოგი გერმანიაში იყო.

მიუხედავად ასტროლოგიის დიდი პოპულარობისა, მეცნიერები მაინც ეჭვის თვალით უყურებდნენ ასტროლოგიას (იგივე სიტუაციაა დღესაც). პლანეტა პლუტონი 1930 წლამდე არ იყო აღმოჩენილი რაც ბადებს ეჭვს რომ ყველა ის პროგნოზი რაც 1930 წლამდე გაკეთდა შეიძლება ტყუილი აღმოჩენილიყო.

ამის მიუხედავად გერმანიაში ასტროლოგიას პოპულარობა მაინც არ დაუკარგავს.ნაცისტურ პარტიაში ასტროლოგიით ყველაზე დაინტერესებული რუდოლფ ჰესი იყო. 1941 წელს ჰესის ასტროლოგ მეგობრის ერნს შულტეს რჩევით იგი ბრიტანეთში გაემგზავრა ჰამილტონის ჰერცოგთან შესახვედრად. თუმცა მისი თვითმფრინავი შოტლანდიაში ჩამოვარდა. ჰესი გადარჩა, მაგრამ იგი დააპატიმრეს.

რუდოლფ ჰესის დაკარგვა ნაცისტური პარტიისთვის დიდი დანაკლისი იყო. ადოლფ ჰიტლერი ჰესის თვითმფრინავის ჩამოვარდნას ასტროლოგებს აბრალებდა. ამის შემდეგ მან გასცა ბრძანება აეკრძალა ყველა ოკულტური მეცნიერება, ასტროლოგიის ჩათვლით. ამ ბრძანების შემდეგ ძალიან ბევრი ასტროლოგი დააპატიმრეს.

მესამე რაიხის ერის დროს ასტროლოგიისადმი ხალხის ასეთი დაინტერესება საკმაოდ წინ “ქაჩავდა” ასტროლგიას. თუმცა ომმა ყველაფერი დაანგრია. ჰიტლერს ომი რომ არ დაეწყო ალბათ დღეს ძალიან წინ იქნებოდა ასტროლოგია. ვინ იცის ..

]]> http://www.gegepage.com/2010/02/01/%e1%83%9c%e1%83%90%e1%83%aa%e1%83%98%e1%83%96%e1%83%9b%e1%83%98-%e1%83%93%e1%83%90-%e1%83%9d%e1%83%99%e1%83%a3%e1%83%9a%e1%83%a2%e1%83%98%e1%83%96%e1%83%9b%e1%83%98-%e1%83%90%e1%83%a1%e1%83%a2/feed/ 2